នារសៀលថ្ងៃទី១៧ ខែឧសភា ឆ្នាំ២០២២ វេលាម៉ោង១៣:៣០នាទី ដល់ម៉ោង១៧:៣០នាទី ឯកឧត្តម ឈិត គឹមយាត អនុប្រធានគណៈកម្មការកិច្ចការបរទេស សហប្រតិបតិ្តការអន្តរជាតិ ឃោសនាការ និងព័ត៌មាននៃព្រឹទ្ធសភា (គណៈកម្មការទី៥) និងឯកឧត្តម ទី សុគន្ធ លេខាធិការគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា បានអញ្ជើញចូលរួមកិច្ចប្រជុំសភាតំបន់អាស៊ី (APA) ក្រោមប្រធានបទ វេទិកាសភាស្តីពីការស្រាវជ្រាវ និងសហប្រតិបត្តិការបណ្ណាល័យ ក្រោមអធិបតីភាពឯកឧត្តម Mohammad Reza Majidi អគ្គលេខាធិការសភាតំបន់អាស៊ី (APA) តាមប្រព័ន្ធវីដេអូ ដែលផ្សាយចេញពីទីក្រុងតេអេរ៉ង់ ប្រទេសអ៊ឺរ៉ង់។